23 DE NOVEMBRO, DÍA DA PALABRA

O LUNS 23, CÓ GALLO DO DÍA DA PALABRA, APARECEU NA AULA UNHA CARTA.

DE QUEN SERÁ?

ESTABA ASINADA POR LAMPI, A MASCOTA DA BIBLIOTECA, QUE QUIXO AGASALLARNOS CUN XOGO.

NUN SOBRE, APARECERON LETRAS E NÚMEROS.

O PRIMEIRO QUE FIXEMOS ENTRE TODAS E TODOS,FOI SEPARAR OS NÚMEROS DAS LETRAS.

CON TODAS ESTAS, E DESPOIS DE VER CAL ERA O SEU SON, TENTAMOS FORMAR A PALABRA AGOCHADA.

MENOS MAL QUE LAMPI NOS DEIXARA UNHA PISTA!

COMO XA SABIAMOS COMO TIÑAMOS QUE FACER, LEVAMOS PARA CASA O XOGO PARA PRATICAR O SON DAS LETRAS, TENTAR ESCRIBIR A SÚA GRAFÍA, FORMAR A PALABRA, ... NON HAI QUE TRAELO DE VOLTA! É PARA XOGAR NA CASA!.

TAMÉN ESTES DÍAS TIVEMOS RETOS PARA FACER.

CÓ PRIMEIRO, TRABALLAMOS A ATENCIÓN. FOI DOADO, XA QUE TIÑAMOS QUE ATOPAR AS LETRAS "A" E RODEALAS DE VERMELLO.

NO SEGUNDO RETO TENTAMOS UN SUDOKU. ESTE XA ERA MÁIS COMPLICADO E NECESITAMOS UN POUQUIÑO MÁIS DE AXUDA.

NO TERCEIRO RETO TIVEMOS QUE LEVAR CADA PALABRA PARA O SEU FRASCO. HAI PALABRAS QUE NOS GUSTAN E OUTRAS QUE NON.

NO CUARTO RETO A PALABRA ESTÁ INCOMPLETA. HABERÁ QUE BUSCAR AS LETRAS QUE LLE FALTAN.

NO QUINTO E DERRADEIRO RETO DA SEMANA, TIVEMOS QUE LEMBRAR O CONTO (QUE XA NOS CONTARAN AS "PROFES") "¡VIVAN LAS UÑAS DE COLORES!" PARA POÑER EN ORDE OS DEBUXOS QUE APARECEN NEL.

(CLICADE NA PORTADA DO CONTO PARA QUE APAREZA O RETO)

ESTA SEMANA REMATAREMOS O TRABALLO SOBRE O OUTONO.

DEIXÁMOSVOS AS ÚLTIMAS FICHAS COAS QUE ESTAMOS A TRABALLAR. (LEMBRADE QUE SOAMENTE SON PARA AS NENAS E NENOS QUE TEÑEN QUE PERMANECER NA CASA DURANTE UN TEMPO).

(CLICADE NA IMAXE)

DESPEDÍMONOS DE ANTÍO E COÑECEMOS A ...

O MÉRCORES FOMOS AO "COLE" DE MAIORES PORQUE NOS ENTERAMOS DE QUE ANTÍO, A MASCOTA DO OUTONO, TIÑA QUE MARCHAR Á SÚA CASA, NO SOUTO.

UNHA VEZ ALÍ, COMO ESTABAMOS AO LADO DA BIBLIOTECA, APROVEITAMOS PARA COÑECER UNHA NOVA MASCOTA. LAMPI, A MASCOTA DA BIBLIOTECA.

VIMOS QUE NA BIBLIOTECA HAI MOREEEEEEEEEEEEEAS E MOREAS DE LIBROS.

COMO VEU CONNOSCO A "PROFE" SUSANA PARA AXUDARNOS A SUBIR AS ESCALEIRAS ATA A BIBLIOTECA, PEDÍMOSLLE QUE NOS CONTARA UN CONTO ALÍ.

E COMO NOS GUSTOU MOITO E O FIXEMOS MOI BEN, LAMPI AGASALLOUNOS CUN CONTO PARA A NOSA CLASE.

CANDO O LEAMOS E PASE A CORENTENA CORRESPONDENTE, PODEREMOS CAMBIALO CÓ LIBRO CÓ QUE LAMPI AGASALLOU Á CLASE DA OUTRA "PROFE".

(CLICADE NAS FOTOS PARA VELAS MELLOR)

3 ANOS A

3 ANOS B

SEGUIMOS CÓ OUTONO

CONTINUAMOS TRABALLANDO SOBRE O OUTONO.

ALGUNHAS DAS TAREFAS QUE ESTAMOS LEVANDO A CABO NA AULA, RELACIONADAS CÓ TRABALLO INDIVIDUAL SON ...:

- CONTAMOS UNHA SERIE DE OBXECTOS QUE HAI NA FICHA COA QUE IMOS TRABALLAR.

- BUSCAMOS O NÚMERO QUE NOS PIDE A "PROFE" E RODEÁMOLO.

- ASOCIAMOS A GRAFÍA DO NÚMERO 1 CUN OBXECTO.

AS FICHAS QUE VOS AMOSAMOS A CONTINUACIÓN SON PARA QUE AS NENAS E NENOS QUE ESTÁN NA CASA PORQUE TEÑEN QUE PERMANECER NELA DURANTE UN TEMPO, POIDAN SABER O QUE ESTAMOS A FACER E POIDAN TRABALLAR NELAS.

LEMBRADE, AS NENAS E NENOS QUE VEÑEN A CLASE NON TEÑEN QUE FACELAS

(CLICADE NA FOTO)

CELEBRAMOS UN MAGOSTO ESPECIAL

AO LONGO DA SEMANA PASADA FORON APARECENDO NOVOS RETOS QUE TIVEMOS QUE RESOLVER ENTRE TODOS, UNS MÁIS DIFÍCILES E OUTROS MÁIS DOADOS ...

... PARA REMATAR O VENRES CELEBRAMOS UN MAGOSTO ESPECIAL NO QUE DEGUSTAMOS (MALIA QUE NON PUIDEMOS COMPARTIR) UNHA MERENDA FEITA CON FROITAS OU FROITOS DO OUTONO.

MOITÍSIMAS GRAZAS ÁS FAMILIAS QUE NOS ENVIASTES ALGUNHA FOTO DA ELABORACIÓN DAS MERENDAS XUNTO COAS NENAS E NENOS. HOUBO MERENDAS DE TODOS OS TIPOS: BISCOITOS DE MAZÁS, CABAZAS E NOCES, CASTAÑAS ASADAS, GALLETAS DE CASTAÑAS, ...

AULA 3 ANOS A  (CLICADE NA FOTO)

AULA 3 ANOS A  (CLICADE NA FOTO)

AULA 3 ANOS B (CLICADE NA FOTO)

AULA 3 ANOS B (CLICADE NA FOTO)

MENTRES MERENDAMOS TAMÉN ESCOITAMOS CANCIÓNS

                    

PROPOSTA DE MAGOSTO: CREAMOS A NOSA "NATUREZA MORTA" (BODEGÓNS)

ESTIMADAS FAMILIAS,

COMO NESTES MOMENTOS NON PODEMOS MANIPULAR, NIN FACER UNHA DEGUSTACIÓN DOS FROITOS DO OUTONO COMO NOS GUSTARÍA, PARECEUNOS INTERESANTE PARA O ALUMNADO QUE, CONXUNTAMENTE COAS SÚAS FAMILIAS (SE DESEXAN COLABORAR), ELABORASEN UNHA REPRESENTACIÓN EMPREGÁNDOOS.

PARTINDO DA PINTURA GALEGA, A “NATUREZA MORTA” MÁIS COÑECIDA POR “BODEGÓNS” (QUE XA COMENTAMOS COAS NENAS E COS NENOS NA ESCOLA) SUXERIMOS QUE REALICEN NA CASA UNHA CREACIÓN ORIXINAL: NUNHA MESA DA CASA, CUN MANTEL OU NON, CUNHA CESTA, CON FROITOS DE OUTONO E MAGOSTO, CANDELABRO, VELA, UTENSILIOS DE COCIÑA, ANTIGÜIDADES..., O QUE SE DESEXE... A CREATIVIDADE AO PODER!!!.

UNHA VEZ REMATADA A COMPOSICIÓN FARÁSELLE 1 FOTO E REMITIRASE AO CORREO ELECTRÓNICO mouvilae@gmail.com. 

NON ESQUEZADES POÑER 3A OU 3B E O NOME DO NENO/A NO ASUNTO. CON TODAS, FAREMOS UN VÍDEO DE BODEGÓNS OUTONAIS.

ANIMÁDEVOS!!!

CLICADE NA IMAXE PARA VER EXEMPLOS DE "NATUREZA MORTA"

CONTINUAMOS CO OUTONO

 ESTA MAÑÁ CANDO CHEGAMOS Á NOSA CLASE ATOPAMOS UN PAPEL CON LETRAS, NÚMERO E DEBUXO PEGADO NA PAREDE.

TODOS E TODAS QUERIAMOS SABER O QUE POÑÍA E LLE PREGUNTAMOS Á PROFE.

SERÁ UNHA CARTA COMO A QUE NOS MANDOU ANTÍO A SEMANA PASADA? NONNNN, É UNHA ADIVIÑA.

SABEDES A RESPOSTA?

ALGUNHAS SUXERENCIAS QUE PODEMOS FACER NA CASA APROVEITANDO OS PASEOS POLO PARQUE, BOSQUE...

- FALAREMOS SOBRE O OUTONO AMPLIANDO DESTA MANEIRA O NOSO VOCABULARIO: CAMBIO DO TEMPO (FRÍO, CHUVIA, VENTO…), PRENDAS DE VESTIR QUE EMPREGAMOS, QUE LLE PASA ÁS ÁRBORES, CORES DAS FOLLAS, FESTAS (MAGOSTO, SAMAÍN), ALIMENTOS DESTA ÉPOCA (APROVEITAREMOS PARA PROBALOS E CONVERSAR SOBRE OS HÁBITOS DE HIXIENE), COIDADO E RESPECTO Á NATUREZA …

- COLLEREMOS FOLLAS, CASTAÑAS, PAOS, PEDRIÑAS…

- AGRUPAREMOS OS ELEMENTOS QUE TROUXEMOS DA SAÍDA. PODEMOS FACER PEQUENOS GRUPOS CON ELES (POR EXEMPLO: PON 1 FOLLA E MOITAS CASTAÑAS ENRIBA DA MESA,  COLLE 3 FOLLAS, 2 PAOS, 4 CASTAÑAS…)

- APRETAMOS ALGUNAS FOLLAS PARA ESCOITAR O RUIDO QUE FAN.

- CLASIFICAMOS AS FOLLAS POR CORES E TAMAÑOS.

- OBSERVAREMOS FROITOS SECOS E CARNOSOS DESTA ESTACIÓN: UVAS, MILGRANDA, MANDARINA, NOCES, ABELÁS, CASTAÑAS. COMPARARÉMOLAS, EN QUE SE DIFERENCIAN, DEGUSTARÉMOLAS. 

PODEREMOS FACER CON ELAS CLASIFICACIÓNS (NOCES CON NOCES, TODOS OS FROITOS MARRÓNS XUNTOS, AGRUPAR OS QUE TEÑEN CASCA...) E SERIACIÓNS (POR EXEMPLO: 1 NOZ, 1 CASTAÑA, 1 NOZ, 1 CASTAÑA…)

- ESCOITAREMOS ALGÚN CONTO DO OUTONO E LOGO FALAREMOS DAS SÚAS PERSONAXES E DO QUE ACONTECEU NEL.

- APRENDEREMOS ALGUNHA CANCIÓN OU POESÍA.

- PODEREMOS FACER ALGUNHA ACTIVIDADE PLÁSTICA COS ELEMENTOS RECOLLIDOS NA NOSA SAÍDA.

- MODELAREMOS CON PLASTILINA: UN PAO (FORMA DE CHURRO), UNHA CASTAÑA, UN COGOMELO…

- ELABORAREMOS ALGUNHA RECEITA CON ALGÚN ALIMENTO DO OUTONO.

 

OUTONO CHEGOU MARRÓN E AMARELO ...

CONTINUAMOS TRABALLANDO NA AULA SOBRE ESTA ESTACIÓN QUE AÍNDA QUE NON O PAREZA ESTÁ CHEA DE CORES, DE CAMBIOS NO TEMPO, CAMBIOS NA ROUPA, NOS ALIMENTOS, ...

APRENDEMOS ALGUNHA CANCIÓN SOBRE ESTA ESTACIÓN DO ANO.

                               

PARA AS NENAS E NENOS QUE NON PUIDERON VIR Á CLASE ESTES DÍAS, DEIXÁMOSVOS ALGUNHAS DAS FICHAS COAS QUE ESTAMOS A TRABALLAR. ALGUNHAS XA AS FIXEMOS E AS OUTRAS, FARÉMOLAS PROXIMAMENTE.   

  (CLICADE NA ICONA PARA VER AS FICHAS)

 

  FICHAS OUTONO 1

ANTÍO, A MASCOTA DO OUTONO, ESTIVO DE VISITA NAS AULAS.

GUSTOULLE MOITO O QUE ESTAMOS A TRABALLAR.

DEIXOUNOS UNHA CARTA CUNHA TAREFA PARA FACER.