DÍA DA PALABRA

COMO O DÍA 23 DE NOVEMBRO ERA O DÍA DA PALABRA, A MASCOTA DA BIBLIOTECA, LAMPI, PEDIUNOS QUE CADA AULA CREASE UNHA PALABRA.

APROVEITANDO QUE TODO O CENTRO ESTÁ A TRABALLAR O TEMA DA MAXIA, CADA CLASE INVENTOU UNHA PALABRA QUE LOGO PEGOU NUNHA CHISTERA DE MAGA OU MAGO E QUE AGORA FORMA PARTE DUN MURAL FEITO POR TODO O COLE. 

ADEMAIS COMO EN 4 ANOS ESTAMOS INVESTIGANDO SOBRE O TEMA DA AUGA QUIXEMOS QUE A NOSA PALABRA TIVESE QUE VER ALGO CON ELA. DESPOIS DE QUE APORTÁSEMOS UN GRAN NÚMERO DE PALABRAS INVENTADAS DECIDIMOS CAL NOS GUSTABA MÁIS:

- 4 ANOS A: "AUGATUBI"

- 4 ANOS B: " CAMILIMPIAMAR"

TAMÉN TIVEMOS QUE DECIDIR ENTRE TODAS E TODOS O SIGNIFICADO DESA PALABRA.

"AUGATUBI": AUGA DOS TUBOS QUE SAE POLO GRIFO OU DUCHA.

"CAMILIMPIAMAR": CAMIÓN QUE COA SÚA HÉLICE ASPIRA O LIXO DO MAR. 

REMATAMOS FACENDO O DEBUXO DO SIGNIFICADO DA NOSA PALABRA.

4 ANOS A

4 ANOS B

ANIVERSARIOS DE NOVEMBRO

MOITOS PARABÉNS A CARLA, AIXA, MARTÍN BAÑÓN, MARTINA E JOSÉ LUIS POLO SEU CUARTO ANIVERSARIO.

4 ANOS A

4 ANOS B

INFORMÁTICA

APRENDEMOS COAS NOVAS TECNOLOXÍAS: CO ROBOT "DOC", REALIDADE AUMENTADA COA TABLET, XOGOS NA PANTALLA DIXITAL... E AGORA EN NOVEMBRO ASISTIMOS Á AULA DE INFORMÁTICA.

ESTAMOS APRENDENDO A MANEXAR O RATO. AÍNDA QUE A ALGÚNS E ALGUNHAS NOS CUSTA UN POUQUIÑO É MOI DIVERTIDO.

4 ANOS A

4 ANOS B

TEMOS PROXECTO!

DURANTE UNS DÍAS, TODAS E TODOS ESTIVEMOS DICINDO TEMAS SOBRE OS QUE NOS GUSTARÍA APRENDER ESTE CURSO. SAÍRON MOITAS IDEAS!

TIVEMOS QUE FACER UNHA VOTACIÓN PARA DECIDIR CAL SERÍA O TEMA DO NOSO PROXECTO. LOGO DE CONTAR OS VOTOS, O TEMA GAÑADOR FOI: A  AUGA.

AGORA PEDÍMOSVOS ÁS FAMILIAS AXUDA PARA TRABALLALO.

CADA EQUIPO DEBERÁ TRAER INFORMACIÓN SOBRE UN ASPECTO DA AUGA QUE SE VOS MANDOU NUNHA MENSAXE ESCRITA. DESPOIS AS VOSAS FILLAS E FILLOS DEBERÁN CONTALA NA CLASE AO RESTO DAS COMPAÑEIRAS E COMPAÑEIROS.

ASÍ QUE…MANS Á OBRA!!!

CONXUROS MÁXICOS POLO SAMAÍN

NESTE VIDEO PODEDES ESCOITAR TODOS OS CONXUROS MÁXICOS QUE ELABORAMOS TODAS AS NENAS E NENOS DO COLE.

POR FIN CHEGOU SAMAÍN!

ESTE PASADO VENRES CELEBRAMOS NO COLE O DÍA DE SAMAÍN. 

TODAS E TODOS CHEGAMOS AO COLE MOI ILUSIONADOS COS NOSOS PEITEADOS ORIXINAIS E MONSTRUOSOS. TIÑAMOS MOITAS GANAS DE QUE OS PUIDESEN VER OS NOSOS COMPAÑEIROS E COMPAÑEIRAS.

LOGO DESFILAMOS POLO PATIO COAS VARIÑAS MÁXICAS QUE ESTIVEMOS FACENDO ESTES DÍAS PASADOS E DICINDO O NOSO CONXURO.

4 ANOS A

4 ANOS B

TAMÉN GRAZAS ÁS NOSAS FAMILIAS PUIDEMOS SABOREAR UNHAS MERENDAS TERRORÍFICAS.

4 ANOS A

4 ANOS B