MATEMÁTICAS MANIPULATIVAS

 Unha das mellores formas de acercarnos e entender as matemáticas e manipulando, observando, sacando conclusións por nós mesmos.  Con este motivo comezamos a traballar con material de base 10 ou multibase.

Primeiro coñecemos como se representan as unidades, as decenas e as centenas.

Xa sabemos que as centenas están representadas por un cadrado de 10X10 de cor verde, as decenas son vermellas e as unidades son azuis.

E, por último, somos capaces de identificar cantidades e de descompoñelas en unidades, decenas e centenas.

Seguiremos traballando e manipulando.

COSENDO CONSTELACIÓNS

 Agora andamos cosendo diferentes constelacións. Tarefa moi interesante que require de paciencia, xa que as veces non sae como queremos a primeira.

1. Debuxamos a nosa constelación

2. Repasamos cun xiz

3. Facemos pequenos buratos cun punzón

4. Cosemos

Ademais do traballo de coordinación oculo manual, da organización espacial, da planificación... traballamos a frustación e a paciencia.

Tarefa súper recomendable para facer na casa cos vosos nenos e nenas.

O UNIVERSO

 Nestes momentos estamos a traballar o universo. Resulta un tema moi interesante para os nenos e as nenas, están súper motivados.

Xa sabemos moitas cousas dos eclipses, das constelacións, das dúas estrelas máis importantes... 

E, gracias a un dos nosos compañeiros estamos a coñecer, os diferentes planetas do universo. Mirade que interesante.

Incluso apredemos máis vocabulario do universo

Preguntádelles na casa, estanse a converter nuns expertos.