SAMAÍN

NO "COLE" CELEBRAMOS O SAMAÍN E O MAGOSTO EN ANOS ALTERNOS.

ESTE ANO TOCA CELEBRAR O MAGOSTO A FONDO PERO NON NOS RESISTIMOS A TRATAR UN POUQUIÑO A TEMÁTICA RELACIONADA CO SAMAÍN.

ASÍ, NA CLASE, LEMOS UN CONTO SOBRE MONSTROS:

PERO NON VOS ASUSTEDES!

ESTE CONTO NON DA NADA DE MEDO. TODO O CONTRARIO, NÓS APROVEITÁMOLO PARA REPASAR AS PARTES DA CARA, DEBUXALAS, ...

SE PREFERIDES ESCOITAR O CONTO, DEIXÁMOSVOS O AUDIOCONTO DE BEATRIZ MONTERO, UNHA CONTACONTOS QUE A NÓS, GÚSTANOS MOITO E COA QUE AS NENAS E NENOS GOZAN UNHA CHEA.

PARA REMATAR, UN LIM CON ACTIVIDADES RELACIONADAS CÓ SAMAÍN.

ESPERAMOS QUE GOZEDES MOITO CON EL.

NON VOS ESQUEZADES DE CLICAR NA ICONA CADRADA PARA TER A PANTALLA COMPLETA E PODER DARLLE AO BOTÓN PARA ESCOITAR O QUE TEDES QUE FACER.

RUTINAS DO DÍA

CANDO FALAMOS DE RUTINAS EN INFANTIL, REFERÍMONOS A AQUELAS ACTIVIDADES QUE REALIZAMOS DIARIAMENTE DE FORMA REGULAR, PERIÓDICA E SISTÉMICA, DE GRAN SIGNIFICATIVIDADE PARA AS NENAS E OS NENOS XA QUE CON ELAS O ALUMNADO É CAPAZ DE SITUARSE NUN MOMENTO DETERMINADO DA XORNADA, MARCANDO ASÍ OS SEUS RITMOS. 

O DÍA ARRANCA CANDO ESCOITAMOS A CANCIÓN "BUENOS DÍAS".    

 

CON ELA, AS NENAS E NENOS SABEN QUE COMEZAMOS A TRABALLAR E QUE É O MOMENTO DE ESCOITAR, SENTARSE BEN, DEIXAR DE FALAR E DE XOGAR, ...

QUE RUTINAS LEVAMOS A CABO? 

BÁSICAMENTE FACEMOS AS QUE VOS DETALLAMOS A CONTINUACIÓN. ISTO NON QUERE DICIR QUE CÓ PASO DO TEMPO INCLUAMOS ALGUNHA MÁIS OU AUMENTEMOS A DIFICULTADE DAS QUE XA FACEMOS:

- FALAMOS DAS COUSAS IMPORTANTES QUE NOS PASARON O DÍA ANTERIOR OU NA FIN DE SEMANA.

- ELEXIMOS AO OU Á PROTAGONISTA DO DÍA.

- CONTAMOS ÁS NENAS E NENOS QUE ESTÁN NA AULA. E TAMÉN ÁS E AOS QUE FALTAN.

- VEMOS O TEMPO QUE TEMOS ESE DÍA.

- TRABALLAMOS COS DÍAS DA SEMANA E CÓ CALENDARIO.

- IMOS AO BAÑO E PRACTICAMOS O LAVADO DE MANS.

COMEZA O OUTONO!

 COA CHEGADA DESTA NOVA ESTACIÓN DO ANO, COMEZAMOS A TRABALLAR ... DECORANDO AS AULAS!

AS FOLLAS QUE TROUXEMOS Á AULA EMPREGÁMOLAS PARA DECORAR AS VENTÁS E FACER UNHA ESPECIE DE "VIDRIERA OTOÑAL".

QUEDARON SÚPER BONITAS!