SUXESTIÓNS DE ACTIVIDADES PARA O VERÁN

REMATOU UN CURSO MOI ESPECIAL, QUE NON ESQUECEREMOS.

SEN DÚBIDA, FOI SUPERADO CON ÉXITO, GRAZAS A TODOS OS NENOS E NENAS, QUE:

- NON PROTESTARON POLA MÁSCARA E SOPORTÁRONA TODA A MAÑÁ.

- LAVARON E DESINFECTARON AS MANS MÁIS CA NUNCA.

- ABRIGÁRONSE MOITO NO INVERNO DEBIDO A VENTILACIÓN.

- APRENDERON A SORRIR COS OLLOS.

- ADAPTÁRONSE A NON COMPARTIR, TRABALLAR INDIVIDUALMENTE, NON DAR APERTAS  E BICOS...

E TODO ISTO,

SEN DEIXAR DE SER FELICES!

AGORA XA TOCA DESCANSAR E GOZAR DAS MERECIDAS VACACIÓNS. PERO, TAMÉN TEREMOS MOITO TEMPO PARA FACER ALGUNHAS ACTIVIDADES, COMO AS QUE VOS DEIXAMOS A CONTINUACIÓN:

TAMÉN VOS DEIXAMOS SUXERENCIAS DE LECTURAS.

POR ÚLTIMO QUEREMOS AGRADECERVOS A VOSA COLABORACIÓN DURANTE ESTE CURSO E DESEXARVOS UNHAS FELICES VACACIÓNS.

ATA SETEMBRO !!

ANIVERSARIOS 3º TRIMESTRE E VERÁN

MOITOS PARABÉNS A TODAS AS NENAS E NENOS QUE ESTIVERON DE ANIVERSARIO NESTE 3º TRIMESTRE, E TAMÉN AOS QUE O ESTARÁN DURANTE O VERÁN.  

3 ANOS A: ADRIANA, SALMA, MAURO, MARTÍN ARRIBAS, MARTÍN GARCÍA, ADRIÁN, ROI, MAEL E CLOE.

3 ANOS B: ANTÍA, DIEGO, NORA, DAVID, HUGO, IAGO, ROY, ALBA, MIGUEL, DANIELA, NOÉ E KILIAN.

3 ANOS B

3 ANOS A

    

CÁPSULA DO TEMPO

NAS ÚLTIMAS SEMANAS, ESTIVEMOS PREPARANDO UNHA ACTIVIDADE MOI EMOCIONANTE, E NUNCA MELLOR DITO XA QUE O CENTRO DE INTERESE DESTA ACTIVIDADE É A INTELIXENCIA EMOCIONAL.

PARTICIPAMOS TODOS OS NENOS E NENAS DO CENTRO. 

EN 4º DE INFANTIL, O QUE FIXEMOS FOI RECOLLER NUNHA FOLLA OS DATOS MÁIS RELEVANTES SOBRE NÓS, COMA O NOSO NOME E IDADE, A COR E COMIDA FAVORITA, OS NOSOS MEDOS, O NOME DOS NOSOS AMIGOS E AMIGAS, E UN DEBUXO SOBRE NÓS MESMOS. TAMÉN NOS SACAMOS UNHA FOTO COA NOSA PROFE PARA RECORDAR ESTE ANO. GARDAMOS TODO NUNHA BOLSIÑA DENTRO DA CAIXA (CÁPSULA DO TEMPO).

3 ANOS A

3 ANOS B

CHEGOU O DÍA!

ONTE ENTERRAMOS A CÁPSULA DO TEMPO NUN BURACO DO NOSO PATIO QUE FIXO PACO. TODOS OS NENOS E NENAS DO COLE BOTÁMOSLLE UN POUQUIÑO DE TERRA POR ENRIBA PARA QUE QUEDE BEN TAPADA.

DENTRO DE 5 ANOS, MÁIS OU MENOS, ABRIREMOS A CÁPSULA, CANDO XA SEXAMOS MOI MAIORES, E RECORDAREMOS OS NOSOS GUSTOS, COMO DEBUXABAMOS, ESCRIBIAMOS O NOSO NOME, A NOSA PROFE...E SEGURO QUE NOS VEÑEN MOITOS SENTIMENTOS ESPECIAIS.

3 ANOS A

3 ANOS B

VISITAMOS AS AULAS DE 4 ANOS

ESTAMOS A PIQUES DE REMATAR ESTE CURSO EN 3 ANOS, E XA TIÑAMOS GANAS DE COÑECER AS NOSAS FUTURAS AULAS DE 4 ANOS.

FIXEMOS UNHA VISITA ATA O EDIFICIO DOS MAIORES. ESTABAMOS  MOI ILUSIONADOS E ILUSIONADAS, E AO ENTRAR NO VESTÍBULO QUEDAMOS ABRAIADOS CON TODOS OS DECORADOS QUE HABÍA NAS PAREDES. XA QUE COÑECIAMOS AS NORMAS E NON PODÍAMOS TOCAR NADA, ESTIVEMOS COS OLLOS MOI ABERTOS OBSERVANDO TODO. NA AULA DE 4 ANOS, PUIDEMOS VER QUE TIÑAN UN MAPAMUNDI, GLOBO TERRÁQUEO, MOITOS NÚMEROS E LETRAS, CAIXAS INDIVIDUAIS CHEAS DE MATERIAIS NOVEDOSOS, MOITOS CONTOS....

TAMÉN APROVEITAMOS PARA FACER UNHA VISITA Á BIBLIOTECA E A SÚA MASCOTA LAMPI.

ESTAMOS DESEXANDO COMEZAR O NOVO CURSO PARA VIR AS NOVAS AULAS!

3 ANOS A

3 ANOS B

CONTACONTOS

ONTE TIVEMOS UNHA VISITA MOI ESPECIAL....UNHA CONTACONTOS!! 

LEUNOS DOUS CONTOS (SOBRE IGUALDADE): "EL NIÑO QUE NO QUERÍA SER AZUL, LA NIÑA QUE NO QUERÍA SER ROSA" E "LA PRINCESA NO". 

GUSTÁRONNOS MOITO, E DÉMONOS CONTA DE QUE TODOS E TODAS PODEMOS FACER AS MESMAS COUSAS, XOGAR COS MESMOS XOGUETES, FACER OS MESMOS TRABALLOS...

E PARA REMATAR, TRABALLAMOS UN POUQUIÑO RODEANDO AQUELAS ACCIÓNS QUE SOMOS CAPACES DE FACER.

DEIXÁMOSVOS AQUÍ ALGUNHAS IMAXES SOBRE A ACTIVIDADE.

3 ANOS A

3 ANOS B

PLANTAMOS SEMENTES

HAI UNS DÍAS ENVOLVEMOS UNHAS SEMENTES DE MANDARINA E NÍSPERO NUN PAPEL MOLLADO.

FOMOS OBSERVANDO A EVOLUCIÓN DAS NOSAS SEMENTES E PUIDEMOS COMPROBAR COMO COMEZARON A BROTAR.

AGORA SÍ QUE CHEGOU O MOMENTO DE PLANTALAS NA TERRA; POR ISO NUN TESTO CHEO DE TERRA FIXEMOS UNS BURATOS ONDE METIMOS AS SEMENTES E LOGO TAPÁMOLAS.

A CONTINUACIÓN HABÍA QUE REGALAS. COMO TODAS E TODOS QUERÍAMOS FACELO TIVEMOS QUE BOTAR MOI POUQUIÑA AUGA CADA UNHA E CADA UN DE NÓS PARA QUE TODAS E TODOS PUIDÉSEMOS REGAR.

O NOSO TESTO COAS SEMENTES PUXÉMOLO PRETO DA FIESTRA PARA QUE LLE DEA A LUZ. DE AQUÍ EN DIANTE TEREMOS QUE ACORDARNOS DE REGALAS.

A VER SE NON TARDAN MOITO EN MEDRAR PARA VER COMO SAEN DA TERRA. TEMOS MOITAS GANAS DE VELAS!

A SEMENTE DO AGUACATE AÍNDA NON XERMINOU; SEGUIREMOS ESPERANDO.

3 ANOS A

3 ANOS B