PARA REMATAR ESTE TRIMESTRE AMOSÁMOSVOS AS DERRADEIRAS FICHAS QUE ESTAMOS A TRABALLAR.
TODAS AS FICHAS SON DE GRAFOMOTRICIDADE, PARA CONTROLAR O TRAZO.
SE CLICADES NA IMAXE, PODEDES DESCARGALAS.
DE CARA AO NADAL, PARA QUE AS NENAS E NENOS CONTINÚEN PRATICANDO PODEMOS FACER ACTIVIDADES RELACIONADAS COAS ACTIVIDADES COTIÁS COMO ...:
- VESTIRSE E ESPIRSE SÓS E SOAS: COMO HAI MÁIS TEMPO, DEIXADE QUE ELAS E ELES O FAGAN SEN AXUDA.
- SUBIR E BAIXAR AS CREMALLEIRAS DOS ABRIGOS.
- ABOTOAR AS CHAQUETAS E TAMÉN DESABOTOALAS.
- XOGAR COAS PINZAS DA ROUPA:
- CANDO TEÑAMOS QUE TENDER A ROUPA E SE TEMOS PINZAS DE CORES, PEDIRÉMOSLLES QUE NOS DEAN UNHA PINZA DUNHA COR DETERMINADA.
- PODEMOS AGRUPAR AS PINZAS POR CORES.
- POÑERÉMOSLLES UN GRUPO DE PINZAS (NON MÁIS DE 5) E LLES PREGUNTAREMOS CANTAS HAI? DESPOIS AS CONTARÁN PARA COMPROBAR SE ACERTARON.
- SE TEMOS TENDAL DENTRO DA CASA, PODEN TENTAR COLGAR OS CALCETÍNS DA FAMILIA EMPREGANDO AS PINZAS.
- XOGAREMOS COA PLASTILINA E FAREMOS CHURROS, BÓLAS, BOLIÑAS, POÑERÉMONOS UÑAS DE CORES CON ELAS.
- CON PAPEIS DE XORNAIS (SON OS MÁIS DOADOS DE RASGAR) FAREMOS TIRAS DE PAPEL. AS MÁIS ATREVIDAS E ATREVIDOS PODEN FACER CACHIÑOS DE PAPEL PARA PEGAR DENTRO DUN DEBUXO.
- SE TEMOS ÁLBUM DE PEGATINAS, DESPEGARÁN AS PEGATINAS E AS COLOCARÁN NO SEU LUGAR CORRESPONDENTE.
- PODEN AXUDARNOS A POÑER E QUITAR A MESA.
- A METER A ROUPA QUE TEMOS QUE LAVAR NA LAVADORA.
- E SOBRE TODO ... XOGAR!! PERO DESPOIS TEÑEN QUE RECOLLER OS SEUS XOGUETES AO REMATAR.
No hay comentarios:
Publicar un comentario