Despois de traballar aspectos do noso relevo, a saída de fin de curso de 3º de primaria foi á illa de Cortegada. Tiñamos unha planificación previa pero debido ao mal tempo desa mañá houbo algún cambio.
Ao chegar a Carril, baixamos do autobús e fomos cara o porto. Debido a que o mar non estaba moi en calma, os nosos monitores aconselláronnos ir cara a praia de Compostela e pasar alí a mañán. Unha vez que o mar se calmou, a marea baixara e tiñamos que esperar a que subira outra vez.
Alí na praia fixemos xogos e tamén deixamos as nosas esculturas.
Despois de comer, recollemos todo e volvemos cara o porto de Carril para cruzar a Cortegada en lancha.
A viaxe gustounos moito (e iso que durou moi, moi pouco).
Unha vez en Cortegada deixamos as nosas pertenzas na capela da Virxe dos Milagros e fixemos un pequeno roteiro. Primeiro fomos ver o resto das illas que compoñen este arquipélago (as Malveiras, a Grande e a Pequena; as Briñas e o Con), despois fomos ver os restos dun gran hórreo e o poboado. Nesta illa viveu xente ata 1910. Por último coñecemos algunha das aves e animais que alí viven.
Chegamos de volta ao colexio moi tarde pero o pasamos XENIAL!!
No hay comentarios:
Publicar un comentario